વ્ચાજ દર ઘટવાની આશા રાખનાર નિરાશ થયા

રિઝર્વ બેંક ઓફ ઈન્ડિયાની મોનેટરી પોલિસી કમિટીની બેઠકમાં ફરી એકવાર રેપો રેટમાં કોઈ ફેરફાર કરવામાં આવ્યો નથી. આવી સ્થિતિમાં સસ્તી લોનની આશા જતી રહી છે. શુક્રવારે નાણાંકીય વર્ષ 2024-25 માટે વ્યાજ દરોની જાહેરાત કરતા RBI ગવર્નર શક્તિકાંત દાસે કહ્યું કે હાલમાં રેપો રેટ 6.5 ટકા પર રહેશે. 3 એપ્રિલથી શરૂ થયેલી આરબીઆઈ એમપીસીની ત્રણ દિવસીય બેઠકમાં આ નિર્ણય લેવામાં આવ્યો હતો. સેન્ટ્રલ બેંકે છેલ્લી સતત છ એમપીસી બેઠકોથી રેપો રેટ યથાવત રાખ્યો છે.
રિપોર્ટ અનુસાર હાલમાં ખાદ્યપદાર્થોના ભાવમાં વધારાને કારણે મોંઘવારી વધી શકે છે. આરબીઆઈ આને નિયંત્રિત કરવા માટે સતત પ્રયાસો કરી રહી છે.

આરબીઆઈનો ઉદ્દેશ્ય મોંઘવારી દરને ચાર ટકાની અંદર રાખવાનો છે. આ ઉપરાંત, વૃદ્ધિ જાળવી રાખવા માટે, રેપો રેટમાં ફેરફાર નાણાકીય વર્ષ 2025 ના ત્રીજા ત્રિમાસિક ગાળામાં કરવામાં આવે તેવી અપેક્ષા છે. રેપો રેટમાં કોઈ ફેરફાર ન કરવાનો આરબીઆઈનો નિર્ણય વૈશ્વિક આર્થિક વલણોથી પ્રભાવિત થઈ શકે છે. વાસ્તવમાં યુએસ ફેડરલ રિઝર્વે દરોમાં કોઈ ફેરફાર કર્યો નથી. યુએસ ફેડ જૂનમાં તેનો પ્રથમ કાપ મૂકશે.

સ્ટેટ બેંક ઓફ ઈન્ડિયાએ તાજેતરમાં જ તેના સંશોધન અહેવાલમાં કહ્યું હતું કે MPCમાં રેટ કટની કોઈ શક્યતા નથી. SBIના જણાવ્યા અનુસાર, ઉભરતી અર્થવ્યવસ્થા હાલની નીતિઓને સમર્થન આપે છે. આવી સ્થિતિમાં સેન્ટ્રલ બેંક અત્યારે તેમાં કોઈ ફેરફાર નહીં કરે. RBI દ્વારા પ્રથમ કટ Q3FY25માં થઈ શકે છે. તમને જણાવી દઈએ કે રેપો રેટ એ દર છે જેના પર કેન્દ્રીય બેંક અન્ય બેંકોને ટૂંકા ગાળા માટે નાણાં ઉધાર આપે છે