MONEY9 GUJARATI: શેરબજારની દિશા ક્યારેય અગાઉથી નક્કી કરી શકાતી નથી. કઇ કંપનીના સ્ટોક વધશે કે ઘટશે તેની આગોતરી સચોટ માહિતી ક્યારેય કરી શકાતી નથી તેમ છતાં કેટલાક એવા ટૂલ છે જે કોઇ પણ કંપનીના સ્ટોકની કિંમતનો ટ્રેન્ડ સમજવામાં અને તેની આગામી દિશા સંભવિત રીતે કઇ હોઇ શકે છે તે સમજવામાં મદદ કરી શકે છે. આવું જ એક ટૂલ છે મૂવિંગ એવરેજ.
વીડિયો સ્ટોરી જોવા અહીં ક્લિક કરો:
શું છે મૂવિંગ એવરેજ મૂવિંગ એવરેજ શેર બજારમાં મોમેન્ટમ દર્શાવવા અને ટ્રેન્ડ્સ કન્ફર્મ કરવાની એક સારી રીત છે. મૂવિંગ એવરેજ સિમ્પલ ટેક્નિકલ એનાલિસિસ ટૂલ હોય છે જેનાથી અપડેટેડ એવરેજ પ્રાઇસ મળે છે. અને તે કિંમતોના આંકડાને સરળ બનાવી દે છે. મૂવિંગ એવરેજ 5 દિવસ, 10 દિવસ, 50 દિવસ, 100 દિવસ, 200 દિવસ કે 1 સપ્તાહ જેવા કોઇ પણ ફિક્સડ ટાઇમ ફ્રેમ માટે હોય છે. હકીકતમાં મૂવિંગ એવરેજને સમજવાથી તમને ટ્રેન્ડ સમજવામાં અને રોકાણ કરવામાં ઘણી મદદ મળી શકે છે. તેને કોઇપણ ટાઇમ ફ્રેમ માટે સેટ કરી શકાય છે, એટલે તે લોંગ ટર્મ ઇન્વેસ્ટર્સ અને શોર્ટ ટર્મ ટ્રેડર્સ, બન્ને માટે ફાયદાકારક હોય છે.
મૂવિંગ એવરેજની દિશા એટલે કે ડિરેક્શન જોઇને એક બેઝિક આઇડિયા મળે છે કે ભાવ કઇ દિશામાં જશે. મૂવિંગ એવરેજનો સૌથી સામાન્ય ઉપયોગ કોઇ શેર કે ઇન્ડેક્સના ટ્રેન્ડને ઓળખવા માટે થાય છે. આ ઉપરાંત તેનાથી સપોર્ટ અને રેઝિસ્ટન્સ લેવલની પણ ખબર પડે છે. મૂવિંગ એવરેજને લેગિંગ ઇન્ડિકેટર કહેવાય છે, કારણ કે તે એવી ઇવેન્ટ્સ પર રિએક્ટ કરે છે જે પહેલેથી જ થઇ ચૂકી છે.
સિમ્પલ મૂવિંગ એવરેજ એટલે શું મૂવિંગ એવરેજ આમ તો અનેક પ્રકારની હોય છે પરંતુ તેમાં સૌથી મુખ્ય છે સિમ્પલ મૂવિંગ એવરેજ એટલે કે SMA. ઉદાહરણ તરીકે 10 દિવસની સિમ્પલ મૂવિંગ એવરેજને કેલ્કેયુલેટ કરવા માટે છેલ્લા 10 દિવસના ટ્રેડિંગ સેશનના ડેઇલી ક્લોઝિંગ પ્રાઇસનો સરવાળો કરો અને જે સરવાળો આવે તેને 10થી એટલે કે નંબર ઓફ ડેઝ સાથે ભાગાકાર કરો. અને આ રીતે તમને જે તે દસ દિવસની એક મૂવિંગ એવરેજ મળી જાય છે.
એક્સપોનેન્શિયલ મૂવિંગ એવરેજ એટલે શું એક્સપોનેન્શિયલ મૂવિંગ એવરેજની ગણતરી થોડીક મુશ્કેલ હોય છે. તેમાં હાલના દિવસોની ક્લોઝિંગ પ્રાઇસની સાથે-સાથે આ પ્રાઇસિસને થોડુંક વેઇટેજ પણ આપવામાં આવે છે. એટલે એક્સપો-નેન્શિયલ મૂવિંગ એવરેજની ગણતરીનું કામ સોફ્ટવેર અને ટ્રેડિંગ પ્લેટફોર્મ પર જ થાય છે.
મૂવિંગ એવરેજિસનો યૂઝ કેવી રીતે કરી શકાય?
જ્યારે કોઇ એસેટ કે સિક્યોરિટીની કિંમત મૂવિંગ એવરેજથી વધુ કે ઓછી થઇ જાય છે તો તે ટેક્નિકલ ટ્રેડર્સ માટે ટ્રેડિંગનો સંકેત હોય છે. આ જ કારણ છે કે તેનો સૌથી કોમન ઉપયોગ માર્કેટનું ડાયરેક્શન, સપોર્ટ અને રેઝિસ્ટન્સ લેવલ સમજવામાં થાય છે. મૂવિંગ એવરેજને સમજવાની સૌથી પોપ્યુલર રીત છે, તેની શેર કે ઇન્ડેકસની પ્રાઇસ સાથે તુલના..જ્યારે કોઇ સિક્યોરિટીની પ્રાઇસ તેની મૂવિંગ એવરેજથી ઉપર જતી રહે છે તો તેને ‘Buy’ એટલે કે ખરીદીનો સંકેત માનવામાં આવે છે. આ જ રીતે જ્યારે કોઇ સિક્યોરિટીની કિંમત મૂવિંગ એવરેજથી નીચે જતી રહે છે તો તેને ‘Sell’ એટલે વેચવાનો સંકેત માનવામાં આવે છે. ઘણાં ટ્રેડર્સ આ આધારે જ કોઇ શેરમાં એન્ટ્રી કે એક્ઝિટની રણનીતિ બનાવે છે.
બે પ્રકારની મૂવિંગ એવરેજ ક્રોસઓવર ઘણી ફેમસ છે. એક છે ગોલ્ડન ક્રોસઓવર અને બીજી ડેથ ક્રોસઓવર.
શું છે ગોલ્ડન ક્રોસઓવર જ્યારે 50 દિવસની મૂવિંગ એવરેજ કોઇ 200 દિવસની મૂવિંગને નીચેથી ઉપર તરફ અને કટ કરે છે એટલે કે ઇન્ટરસેપ્ટ કરે છે તો તેને એનાલિસ્ટ અને ટ્રેડર્સ એક મોટા તેજીના સંકેત તરીકે જુએ છે. એક્સપર્ટ્સ કે ટેકનિકલ જાણકાર આ પેટર્નને ગોલ્ડન ક્રોસઓવર કહે છે.
શું છે ડેથ ક્રોસઓવર જ્યારે 50 દિવસની મૂવિંગ એવરેજને 200 દિવસ એટલે કે મેજર લાંબાગાળાની મૂવિંગ એવરેજને ઉપરથી નીચે તરફ cut કરે છે કે નીચે જતી રહે છે તો તેને ડેથ ક્રોસઓવર કહે છે. આ એક મોટી મંદી કે ઘટાડાના સંકેત તરીકે જોવામાં આવે છે…
હવે તમે સમજી ગયા હશો કે મૂવિંગ એવરેજ શું હોય છે..તેના શું ફાયદા છે. કેવી રીતે ઉપયોગ થાય છે. તો કુલ મળીને જો તમે પણ ટેક્નિકલ ટ્રેડર છો અને શેર બજારમાંથી કમાણી કરવા માંગો છો તો તમારે એ વાતનું ધ્યાન રાખવું જોઇએ કે કોઇ પણ શેરમાં ટ્રેડિંગ કે રોકાણ કરતા પહેલાં તમારે મૂવિંગ એવરેજ અંગે જરૂરથી સમજી લેવું જોઇએ.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો