Money9: દરેક ભારતીય પરિવારનું એક જ સપનું હોય છે. માથા પર પોતાની છત હોવી જોઈએ… ભાડાનું ઘર ન જોઇએ. અભિમન્યુ અને તેના પરિવારનું પણ આવું જ સપનું હતું. પરંતુ આ સપનાને ત્યારે ગ્રહણ લાગ્યું જ્યારે બેંકે હોમ લોન આપવાની ના પાડી..તમારી સાથે પણ આવું થઈ શકે છે..એટલે લોન માટે અરજી કરતી વખતે, પેપરવર્ક અને કયા કારણોસર લોન એપ્લિકેશન રિજેક્ટ થઇ શકે છે તે જરૂર જાણી લો…
લોન માટે અરજી કરતી વખતે સૌથી પહેલા તમારો સામનો લોન એપ્લિકેશન ફોર્મ સાથે થાય છે. તેમાં નામ, સરનામું, આવક, એમ્પ્લોયમેન્ટ હિસ્ટ્રી અને લોનની રકમ જેવી ખાનગી અને નાણાકીય માહિતી ગ્રાહક પાસેથી માંગવામાં આવે છે. તેને કાળજીપૂર્વક ભરવું જોઈએ. ઓળખ અને સરનામાના પુરાવા માટે, તમારે પાસપોર્ટ, ડ્રાઇવિંગ લાઇસન્સ, આધાર અથવા વોટર આઈડી કાર્ડ જેવા દસ્તાવેજો આપવા પડશે…લોન મંજૂર કરતા પહેલા, બેંકો ગ્રાહકની આવક અને રિપેમેન્ટ કેપેસિટી એટલે કે લોન ચૂકવવાની ક્ષમતા તપાસે છે.
આના માટે સેલરી સ્લિપ, બેંક સ્ટેટમેન્ટ, છેલ્લા 2 થી 3 વર્ષનું ફોર્મ 16 કે ઇનકમ રિટર્ન માંગવામાં આવે છે. બેંકો અથવા નાણાકીય સંસ્થાઓ સામાન્ય રીતે ઓછામાં ઓછા 6 મહિનાનું બેંક સ્ટેટમેન્ટ માંગે છે. આનાથી તેમને તમારી કમાણી, ખર્ચ અને બચત વિશે માહિતી મળે છે..સાથે જ તમારી લોન એલિજિબિલિટી એટલે કે કેટલી લોન તમને મળી શકે છે, તે શોધવામાં મદદ મળે છે.
બેંક ખરીદવામાં આવનારી પ્રોપર્ટી સાથે જોડાયેલા દસ્તાવેજ જેવા કે સેલ ડીડ કે રજિસ્ટ્રી દ્વારા ઓનરશિપ એટલે કે માલિકી હક અને માર્કેટ વેલ્યૂની ખાતરી કરે છે.
લોનની રકમ મિલકતની બજાર કિંમત પર આધાર રાખે છે. એટલું જ નહીં, મિલકતનો માન્ય નકશો, લેન્ડ રેકોર્ડ અને જો જરૂરી હોય તો, લોકલ ઓથોરિટી તરફથી નો-ઓબ્જેક્શન સર્ટિફિકેટ એટલે કે એનઓસી, કમ્પ્લિશન સર્ટિફિકેટ, ઓક્યુપન્સી સર્ટિફિકેટ જેવા કાગળો પણ આપવા પડે છે.
જો તમે પગારદાર વ્યક્તિ છો, તો તમારે એપોઇન્ટમેન્ટ, કોન્ટ્રાક્ટ અથવા એક્સપીરિયન્સ લેટર સબમિટ કરવો પડશે.આ દસ્તાવેજો દર્શાવે છે કે તમે તમારી નોકરીમાં કેટલા સ્ટેબલ છો અને કેટલા સમયથી નોકરી કરી રહ્યા છો..આ તમારી લોન ચૂકવવાની ક્ષમતાને મજબૂત બનાવે છે.
હોમ લોન માટે અરજી કરતી વખતે, બેંકો તમારી નાણાકીય શાખ તપાસવા માટે ક્રેડિટ હિસ્ટ્રી અને ક્રેડિટ સ્કોર ચેક કરે છે. જેનાથી તમારી વર્તમાન લોન, ક્રેડિટ કાર્ડ અને લોનની ચુકવણી સંબંધિત તમારા ટ્રેક રેકોર્ડની માહિતી મળે છે. સારા ક્રેડિટ સ્કોરથી લોનની તકો વધી જાય છે અને આકર્ષક વ્યાજ દરે લોન મળી શકે છે. 750 થી ઉપરનો ક્રેડિટ સ્કોર સારો માનવામાં આવે છે.
તમારી લોન અરજી રિજેક્ટ ન થાય તેના માટે તમારે કેટલીક બાબતોનું ધ્યાન રાખવું પડશે…લોન એપ્રુવલ પહેલા બેંક તમારો ડેટ-ટુ-ઇન્કમ રેશિયો એટલે કે DTI રેશિયો જુએ છે..આ તમારી માસિક આવકનો એ ભાગ છે જેનો ઉપયોગ તમે લોનની ચુકવણી માટે કરો છો. જો આ રેશિયો 50 ટકાથી ઓછો હોય, તો લોન મળવાની શક્યતા વધી જાય છે…બેંક ટુ બેંક આ રેશિયો અલગ-અલગ હોઇ શકે છે. જો આવકમાં લોનની ચુકવણીનો હિસ્સો ઊંચો હોય તો બેંક લોન આપવાનો ઇનકાર કરી શકે છે અથવા હાલ ચાલી રહેલી કેટલીક લોનને ચૂકવી દેવાનું કહી શકે છે.
લોન માટે અરજી કરતા પહેલા તમારી નાણાકીય સ્થિતિનું મૂલ્યાંકન કરો. લોનની ચુકવણી કરવાની તમારી ક્ષમતા અનુસાર લોનની રકમ પસંદ કરો. જો તમે તમારી ક્ષમતા કરતા વધુ લોન લેવાનો પ્રયાસ કરો છો તો બેંક તેને નેગેટિવ માની શકે છે. અને લોનની અરજી નકારવામાં આવી શકે છે. આ સિવાય લોન રિજેક્ટ કરવા માટે અન્ય કારણો પણ હોઈ શકે છે.
અભિમન્યુની જેમ, તમારી લોન રિજેક્ટ ન થાય એટલે જરૂરી દસ્તાવેજ અને સાવચેતીઓ અંગે સમજી લો. પહેલેથી દસ્તાવેજ તૈયાર રાખવાથી લોન પ્રોસેસ સરળ થઇ જાય છે. લોન લેતી વખતે સારુ એ રહેશે કે નવા ક્રેડિટ કાર્ડ અથવા નવી લોન માટે અરજી કરવાનું ટાળો. ટૂંકા ગાળામાં લોનની ઘણી ઇન્કવાયરી મળવાથી તમારા ક્રેડિટ સ્કોર પર નકારાત્મક અસર પડી શકે છે. જૂની લોનની EMI સમયસર ચૂકવો જેથી ભવિષ્યમાં લોન લેવામાં કોઈ મુશ્કેલી ન આવે. વધુમાં વધુ ડાઉનપેમેન્ટ કરવાનો પ્રયાસ કરો. આ લોનનો બોજ ઘટાડવાની સાથે સાથે લોન એપ્રુવલના ચાન્સ વધારે છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો