Money9: દિપકને ઘર ખરીદવું છે પરંતુ બિલ્ડર ફ્લોર નહીં..પરંતુ કેમ? બજેટમાં ઘર ખરીદનારા માટે બે ઓપ્શન હોય છે. પહેલું હાઇરાઇઝ સોસાયટીમાં ફ્લેટ અને બીજું બિલ્ડર ફ્લોર..બિલ્ડર ફ્લોર લો રાઇઝ બિલ્ડિંગનો હિસ્સો હોય છે. જેમાં 3 કે 4 ફ્લોર હોય છે. દરેક ફ્લોર પર એક અથવા ક્યાંક બે રેસિડેન્શિયલ યૂનિટ હોય છે. તો એક હાઇરાઇઝ સોસાયટીમાં તો ઘણાં ટાવર..એક ટાવરમાં ઘણાં ફ્લોર અને એક ફ્લોર પર 7-8 ફ્લેટ હોઇ શકે છે. હાઇરાઇઝ સોસાયટીમાં ફ્લેટ કે બિલ્ડર ફ્લોર..બન્નેમાંથી કોના માટે શું યોગ્ય છે? આવો સમજીએ કેટલાક મહત્વના પોઇન્ટ્સથી…આવો જાણીએ આ અંગે…
બિલ્ડર ફ્લોરના કિસ્સામાં, સામાન્ય રીતે તમને આખો ફ્લોર મળે છે. આખો ફ્લોર હોવાથી ખરીદનારને વધુ ફ્રિડમ અને પ્રાઇવસી મળે છે. ખરીદનારની પાસે પોતાની રીતે આ જગ્યાનો ઉપયોગ કરવાની અને બાંધકામ કરવાની સ્વતંત્રતા હોય છે. બહુમાળી ઇમારતોમાં બનેલા ફ્લેટની તુલનામાં બિલ્ડર ફ્લોરમાં ઉપયોગ કરી શકાય તેવી જગ્યા વધુ મળી શકે છે. પરંતુ કોમન સ્પેસ ઓછી છે. હાઇરાઇઝ સોસાયટીમાં ફ્લેટ કે કોઇપણ પ્રકારનું બાંધકામ કરો તો તમારે સોસાયટી મેઇન્ટેનન્સ ડિપાર્ટમેન્ટની પરમીશન લેવી પડે છે. ઉપરાંત, તમે બાહ્ય માળખામાં કોઈ ફેરફાર નથી કરી શકતા.
એમેનિટીઝ એટલે કે સુખ-સુવિધાઓની દ્રષ્ટિએ, હાઇરાઇઝ સોસાયટીના ફ્લેટ બિલ્ડરના ફ્લોરને પાછળ રાખી દે છે. દિલ્હી-મુંબઈ સહિત તમામ મોટા શહેરોની મુખ્ય રહેણાંક સોસાયટીઓમાં લિફ્ટ, જિમ, સ્વિમિંગ પૂલ, કોમ્યુનિટી હોલ, ક્લબ હાઉસ, માર્કેટ અને પાર્ક કે ગાર્ડન જેવી સુખ-સુવિધાઓ મળે છે. બિલ્ડર ફ્લોરમાં વ્યક્તિને સામાન્ય રીતે લોકોને આ સુખ-સુવિધાઓ નથીમળતી.
બિલ્ડર ફ્લોરની કિંમતો સામાન્ય રીતે મલ્ટી-સ્ટોરી એપાર્ટમેન્ટથી ઓછી હોય છે. જો કે, આ કિંમતો મોટાભાગે લોકેશન પર આધારિત હોય છે. પ્રાઇમ લોકેશનમાં બિલ્ડર ફ્લોરની કિંમત આઉટરમાં પડનારી હાઇ-રાઇઝ સોસાયટીના ફ્લેટ કરતાં વધુ હોઇ શકે છે.
કિંમતના આ ગણિતને ઉદાહરણથી સમજવા માટે અમે પ્રોપર્ટી પોર્ટલ Housing.comની મદદ લીધી. જેના જણાવ્યા અનુસાર નોઇડા સેક્ટર-62માં 2BHK Builder Floorની કિંમત 30 લાખથી 45 લાખ રૂપિયાની વચ્ચે જોવા મળી રહી છે. તો આ સેક્ટરની રેસિડેન્શિયલ સોસાયટી ગેલ એપાર્ટમેન્ટમાં 2BHK ફ્લેટની રીસેલ કિંમત 75 લાખ રૂપિયા અને પૂર્વાચલ ભાગીરથી એપાર્ટમેન્ટમાં 2BHK ફ્લેટ 70 લાખ રૂપિયા છે. બિલ્ડર ફ્લોર અને સોસાયટી ફ્લેટ બન્ને કેસમાં એરિયા પ્રમાણે કિંમત અલગ-અલગ હોઇ શકે છે. બિલ્ડર ફ્લોરની સરખામણીમાં રેસિડેન્શિયલ સોસાયટીના ફ્લેટ કેમ મોંઘા હોય છે. આવો જાણીએ એક્સપર્ટ પાસેથી.
જ્યાં સુધી સિક્યોરિટી એટલેકે સુરક્ષાનો સવાલ છે, તો હાઈ રાઈઝ રેસિડેન્શિયલ સોસાયટી વધુ સુરક્ષિત છે…અહીં સિક્યોરિટીના અનેક લેવલ હોય છે…મેઇન ગેટ પર સિક્યોરિટી ગાર્ડ્સ અને સીસીટીવીથી મોનિટરિંગ થાય છે…દરેક ટાવર, કોમન એરિયા, જિમ અને ક્લબ હાઉસ માટે અલગ-અલગ સિક્યોરિટી ગાર્ડ અને સીસીટીવીની વ્યવસ્થા હોય છે. બિલ્ડરના ફ્લોરમાં સુરક્ષાની કોઇ ખાસ વ્યવસ્થા નથી હોતી…જો ખરીદનાર ઈચ્છે તો તે બિલ્ડિંગ માટે સંયુક્ત રીતે ગાર્ડ અને CCTVની નિમણૂક કરી શકે છે.
બિલ્ડરના ફ્લોરમાં બાંધકામની ગુણવત્તા સારી ન હોવાની સંભાવના રહે છે. મોટાભાગના કિસ્સાઓમાં, પ્રોપર્ટી માલિક પોતાની પ્રોપર્ટીને કોઇ લોકલ બિલ્ડરને ફ્લોર બનાવવા માટે આપે છે. બિલ્ડિંગ તૈયાર થઇ ગયા બાદ બિલ્ડર તેના હિસ્સાના ફ્લોરને વેચીને કોસ્ટીંગ અને નફો કાઢી લે છે. આવી સ્થિતિમાં, બિલ્ડરે કેવા પ્રકારનું કન્સ્ટ્રક્શન મટિરીયલ વાપર્યું છે તે શોધવું મુશ્કેલ છે.
તો હાઇ-રાઇઝ સોસાયટીના કિસ્સામાં, જાણીતા બિલ્ડરો બાંધકામની ગુણવત્તામાં કોઇ ઢિલાશ નથી રાખતા કારણ કે તેમણે લોકલ ઓથોરિટી પાસેથી કમ્પ્લીશન કે ઓક્યુપન્સી સર્ટિફિકેટ લેવાનું હોય છે. સત્તાવાળાઓ આ પ્રમાણપત્ર ત્યારે જ આપે છે જ્યારે તમામ નિયમોનું પાલન કરવામાં આવ્યું હોય. ખરાબ ક્વોલિટીના મટીરિયલનો ઉપયોગ કરવાથી ડેવલપરની ક્રેડિબિલિટી એટલે કે વિશ્વસનીયતા પણ ઘટે છે.
બિલ્ડર ફ્લોરમાં દર મહિને મેન્ટેનન્સ ફી નથી ચૂકવવી પડતી..અહીં મેન્ટેનન્સ ખરીદનારના માથે હોય છે…જો આખી બિલ્ડિંગમાં સમારકામની જરૂર હોય, તો તમામ ફ્લોર માલિકો સાથે મળીને તેને કરાવે છે. જો કોઈ એક વ્યક્તિના બિલ્ડર ફ્લોરમાં કોઈ ખામી છે તો તે તેને જાતે ઠીક કરાવશે. જ્યારે હાઇરાઇઝ રેસિડેન્શિયલ સોસાયટીમાં, ફ્લેટ ખરીદનારને બિલ્ડર કે એપાર્ટમેન્ટ ઓનર્સ એસોસિએશનને દર મહિને મેન્ટેનન્સ ચાર્જ આપવો પડે છે. તેનો ઉપયોગ ફ્લેટ, ટાવર અને કોમન એરિયાના મેન્ટેનન્સમાં કરવામાં આવે છે. આના માટે પ્લમ્બર, ઇલેક્ટ્રિશિયન, કાર્પેન્ટરની સંપૂર્ણ મેન્ટેનન્સ ટીમ હોય છે. ફ્લેટના કેસમાં તમે મેન્ટેનન્સ કરાવો કે ન કરાવો, તમારે ચાર્જ ચૂકવવો જ પડશે.
દિપકની જેમ તમે પણ બિલ્ડર ફ્લોરના ફાયદા-નુકસાન જાણી ગયા હશો. બિલ્ડર ફ્લોર કે સોસાયટી ફ્લેટમાં શું ખરીદવું તે ડિપેન્ડ કરે છે એફોર્ડેબિલિટી એટલે કે ઘર ખરીદવા પર કેટલો ખર્ચ કરી શકો છો અને કેવા પ્રકારની લાઇફસ્ટાઇલ ઇચ્છો છો તેની પર.. બિલ્ડર ફ્લોર ખરીદો કે ફ્લેટ..રજિસ્ટ્રાર કાર્યાલય કે લોકલ ઓથોરિટીમાં ટાઇટલ ડીડ એટલે કે રજિસ્ટ્રી જરૂર ચેક કરાવો. બિલ્ડરના જુના પ્રોજેક્ટ્સ અને તેની ક્રેડિબિલિટી જુઓ. સ્ટ્રક્ચરલ એન્જિનિયર પાસે કન્સ્ટ્રક્શનની ક્વોલિટીની તપાસ કરાવો. પ્રોપર્ટી પર કોઇપણ જાતની લોન કે બિલતો નથી તે પણ જરૂર ચેક કરો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો