MONEY9 GUJARATI: ઘર ખરીદવા માટે હોમ લોન (Home Loan) લેતી વખતે, આપણું બધું ધ્યાન EMI પર હોય છે… હિડન ચાર્જિસ (Hidden charges) પર આપણું ધ્યાન જ નથી જતું… લોન માટે એપ્લાય કરતી વખતે આ વિશે જાણકારી હોવી જોઈએ… કેટલીક બેંકો આ ચાર્જિસ અલગ-અલગ લે છે. જ્યારે મોટાભાગની બેંક (Bank) ઘણા ચાર્જિસને ક્લબ કરીને એકસાથે વસૂલે છે…લોન સમયે તેના વિશે ખબર પડે ત્યારે ખિસ્સા પરનો બોજ વધી જાય છે… તમને આવી સમસ્યાઓનો સામનો ન કરવો પડે તે માટે હોમ લોન પર લાગતા અલગ-અલગ ચાર્જ વિશે જાણી લો…
ચાલો શરુઆત કરીએ પ્રોસેસિંગ ફીથી… લોન આપતા પહેલા, બેંકો તમારી લોન એપ્લિકેશનનું ઘણા પેરામીટર પર મૂલ્યાંકન કરે છે… જેમાં KYC વેરિફિકેશન, કમાણી અને ખર્ચ જેવા ફાઈનાન્શિયલ એસેસમેન્ટ, જોબ વેરિફિકેશન, ઘર અને ઓફિસ એડ્રેસનું વેરિફિકેશન, ક્રેડિટ હિસ્ટ્રી ચેકિંગનો સમાવેશ થાય છે. જેમાં બેંકના રિસોર્સ અને મેનપાવરનો ઉપયોગ થાય છે.. બેંકો આ પ્રક્રિયામાં થયેલા ખર્ચને પ્રોસેસિંગ ફી દ્વારા વસૂલ કરે છે… પ્રોસેસિંગ ફી વન ટાઈમ અને નૉન-રીફંડેબલ ચાર્જ છે…આ લોનની એમાઉન્ટના 0.25 ટકાથી 2 ટકા સુધી હોઈ શકે છે. કેટલાક લેન્ડર્સ એટલે કે ધિરાણકર્તા ટકાવારીને બદલે નિશ્ચિત ફી વસૂલે છે.
ઉદાહરણ તરીકે, ICICI બેંકની વેબસાઇટ અનુસાર… તેની લોન પ્રોસેસિંગ ફી લોનની રકમના 0.50 થી 2.00 ટકા અથવા 3,000 રુપિયા માંથી જે વધારે હોય તે રહેશે… તેવી જ રીતે, SBIની પ્રોસેસિંગ ફી લોનની રકમના 0.35%, લઘુતમ 2000 રુપિયા અને મહત્તમ 10,000 રુપિયા છે…. જ્યારે, LIC હાઉસિંગ ફાઇનાન્સ 1 કરોડ રુપિયા સુધીની હોમ લોન પર લોનની રકમના 0.25%, મહત્તમ 15,000 રુપિયા જ્યારે 1 કરોડથી વધુ અને 2 કરોડ રુપિયા સુધીની લોન પર 20,000 રુપિયા પ્રોસેસિંગ ફી વસૂલે છે.. પ્રોસેસિંગ ફીની ઉપર જીએસટી પણ હોય છે..
હોમ લોનમાં લીગલ ચાર્જીસ અને વેલ્યુએશન ફી આપવાની હોય છે… લીગલ ફી મિલકતના દસ્તાવેજોની કાનૂની ચકાસણીમાં થતા ખર્ચને આવરી લે છે… આનાથી ખબર પડે છે કે પ્રોપર્ટી કોઈ કાનૂની મુશ્કેલીમાં ફસાયેલી તો નથી ને… બેંકના લીગલ ચાર્જ અલગ અલગ હોય છે. લીગલ ફી કેટલી હશે તે લીગલ વેરિફિકેશન પ્રોસેસમાં આવનારી complexity એટલે કે જટિલતાઓ પર આધાર રાખે છે…
જે પ્રોપર્ટી માટે હોમ લોન લેવામાં આવી રહી છે તેની માર્કેટ વેલ્યુ અને ફિઝિકલ હેલ્થ એટલે કે મજબૂતી ચકાસવા માટે બેન્કો ટેકનિકલ એક્સપર્ટની મદદ લે છે. આ એક્સપર્ટ લોકલ ઓથોરિટીની મંજૂરી, લે-આઉટ એપ્રુવલ, કન્સ્ટ્રક્શનના નિયમોનું પાલન જેવા ઘણા માપદંડો પર પ્રોપર્ટીની તપાસ કરે છે.. બેંકો એ જાણવા માટે ચાર્જ લે છે કે મિલકતની કિંમત તમે માંગેલી લોનની રકમ અનુસાર છે કે નહીં…
હોમ લોન માટે તમારે બેંક અથવા NBFC પાસેથી ઈન્સ્યોરન્સ,, જેમ કે હોમ લોન ઈન્સ્યોરન્સ અથવા મોર્ટગેજ પ્રોટેક્શન ઇન્સ્યોરન્સ લોવો પડી શકે છે. જેથી કરીને કોઈપણ અપ્રિય ઘટનાના કિસ્સામાં બેંકની મૂડી ડૂબે નહીં. સામાન્ય રીતે, ઈન્સ્યોરન્સનું પ્રીમિયમ તમારી લોનની રકમમાં ઉમેરવામાં આવે છે… જેથી જ્યાં સુધી લોન ચાલે ત્યાં સુધી તમારે પ્રીમિયમ પર પણ વ્યાજ ચૂકવવું પડશે… આ એક વધારાનો ચાર્જ છે જેને તમારે ધ્યાનમાં લેવો જોઈએ…
જો હોમ લોન મળ્યા પછી ઘરનું પઝેશન મેળવવામાં વિલંબ થાય છે… તો બેંકો પ્રી-EMI વસૂલે છે… પ્રી-EMIમાં માત્ર તમારી પાસેથી વ્યાજ વસૂલવામાં આવે છે… આ વ્યાજ ત્યાં સુધી વસૂલવામાં આવે છે જ્યાં સુધી ઘરનું પઝેશન ના મળે. …પઝેશન મળ્યા પછી જ EMI શરૂ થાય છે… EMIમાં વ્યાજની સાથે પ્રિન્સિપલ એમાઉન્ટનો સમાવેશ થાય છે…
હાઉસિંગ લોન મેળવ્યા પછી પણ, ચાર્જનો સિલસિલો ચાલુ રહે છે… જો તમે હોમ લોનની EMI ચૂકવવામાં ડિફોલ્ટ કરો છો… તો તમારે લેટ ફી અથવા પેનલ્ટી ચૂકવવી પડશે… જે દરેક બેંકમાં અલગ અલગ હોય છે. .. આ પેનલ્ટી સામાન્ય રીતે બાકી રકમના 1 થી 2 ટકા સુધી હોય છે.. તમારે મકાન ખરીદતી વખતે સ્ટેમ્પ ડ્યુટી અને રજિસ્ટ્રેશન ચાર્જ ચૂકવવો પડશે… આ ફી સમગ્ર દેશમાં અલગ-અલગ રાજ્યમાં અલગ-અલગ હોય છે. પ્રોપર્ટી તમારા નામે કરાવવા માટે તમારે આ કૉસ્ટ ચૂકવવા પડે છે… તેમાં મોટી રકમનો ખર્ચ થાય છે… સામાન્ય રીતે આ ચાર્જ હોમ લોનમાં આવરી લેવામાં આવતા નથી… એટલે કે, તમારે તમારા ખિસ્સામાંથી ખર્ચ ઉઠાવવો પડે છે.
જ્યારે પણ તમે તમારા સપનાના ઘર માટે હોમ લોન લો… તો ધ્યાન રાખો… લોન એક, ચાર્જ અનેક… તમારે ઘણા ચાર્જ પર GST પણ ચૂકવવો પડશે… લોન લેતા પહેલા કેટલીક બેંકો સાથે વાત કરો અને તેમના ચાર્જિસ જાણો… જો તમે એક બેંકમાંથી બીજી બેંકમાં લોન ટ્રાન્સફર કરો તો પણ તમારે આ ચાર્જ ચૂકવવા પડી શકે છે… તો ચાર્જ વિશે શાંતિથી વાત કરો… તમે બેંકો સાથે સોદાબાજી કરીને પ્રોસેસિંગ ફી અને ઈન્ટરેસ્ટ રેટમાં થોડી છૂટ પણ મેળવી શકો છો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો