Money9: મર્યાદિત આવક અને વધતી મોંઘવારી વચ્ચે રિટાયરમેન્ટ બાદ પરમજીતને પોતાના ખર્ચાઓને પહોંચી વળવામાં મુશ્કેલી પડે છે. 26,000 રૂપિયાના પેન્શનમાં દવાઓની સાથે દૈનિક જરૂરિયાતો પૂરી કરવા માટે ઘણી મહેનત કરવી પડે છે. નોકરી કરતી વખતે, ક્યારેય વિચાર્યું નહીં કે નિવૃત્તિ પછી પણ આવકની વ્યવસ્થા કરવી જોઇતી હતી. પરમજીત જેવી ભૂલ તમે ન કરો. માત્ર પેન્શનના પૈસા પર આધાર ન રાખો.
પગારદાર લોકોએ પણ કામ કર્યા વિના વધારાની આવક મેળવવાનું આયોજન જરૂર કરવું જોઈએ, આને કહેવામાં આવે છે પેસિવ ઇનકમ જેને પ્રાપ્તકરી શકાય છે રોકાણ અને એસેટ એટલે કે સંપત્તિથી.
રિટાયરમેન્ટ સલાહકાર સંજીવ દાવર કહે છે કે પેસિવ ઇનકમની તૈયારી જેટલી જલદી શરૂ કરો તેટલું વધારે સારું. વહેલી શરૂઆત કરીને, તમે લાંબા સમય સુધી રોકાણ કરો છો અને ચક્રવૃદ્ધિ વ્યાજનો લાભ લઈ શકો છો. મૂળ રકમ પર રિટર્નની સાથે વ્યાજ મળતું રહેશે અને દર વર્ષે વ્યાજની ઉપર વધારાનું વ્યાજ ઉમેરાતું રહેશે. પેસિવ ઇનકમનું લક્ષ્ય એ છે કે જ્યારે નિયમિત આવક આવતી બંધ થઈ જાય ત્યારે પણ આટલી રકમ નિયમિતપણે આવતી રહે.
વહેલું શરૂ કરવું જરૂરી કેમ છે? જો તમે ચાલીસ વર્ષની ઉંમરેથી તમારી નિવૃત્તિ માટે રોકાણ કરવાનું શરૂ કરો છો, તો 2 કરોડ રૂપિયાની રકમ એકત્ર કરવા માટે તમારે દર મહિને 20,000 રૂપિયાનું રોકાણ કરવું પડશે. જો આ જ રોકાણ પાંચ વર્ષ રાહ જોયા બાજ એટલે કે 45 વર્ષની ઉંમરે શરૂ કરવામાં આવે છે, તો 2 કરોડ રૂપિયાની રકમ મેળવવા માટે તમારે બરાબર બમણું એટલે કે 40,000 રૂપિયા પ્રતિ મહિને રોકાણ કરવું પડશે.
એક્સપર્ટના મતે, નિવૃત્તિ પછીના ખર્ચાઓ જાણવા માટે, પહેલા તમારા વર્તમાન ખર્ચની ગણતરી કરો અને તેની લગભગ 25 ગણી રકમની વ્યવસ્થા કરો. આની રકમની વ્યવસ્થા કરવાની રીતો શું હોઇ શકે છે, તે હવે જાણીએ-
નેશનલ પેન્શન સ્કીમ એટલે કે NPS તમને આમાં મદદ કરી શકે છે. તેમાં નિયમિતપણે રોકાણ કરવાનું શરૂ કરો. જ્યારે તમે 60 વર્ષના થશો તો તમારી કુલ રકમના 40 ટકા એન્યુટી પ્લાન ખરીદવામાં લાગી જશે. આ એન્યુઇટી નિશ્ચિત સમયગાળા માટે નિયમિત ચૂકવણી કરશે. બાકી બચેલી 60 ટકા રકમ એકસાથે મળી જશે જેને તમે મ્યુચ્યુઅલ ફંડમાં રોકાણ કરી શકો છો. એવી સ્કીમ પસંદ કરો કે જેમાં નિશ્ચિત સમયગાળા બાદ વિડ્રોઅલની સુવિધા હોય છે જે તમારા માટે રેગ્યુલર ઇનકમ બની શકે છે. આ પ્રકારની યોજનાઓને સિસ્ટમેટિક વિડ્રોઅલ પ્લાન એટલે કે SWP કહેવામાં આવે છે જેમાં વ્યવસ્થિત ઉપાડની જોગવાઈ હોય છે.
રિટાયરમેન્ટ સલાહકાર સંજીવ દાવર કહે છે કે NPSની લંપસમની રકમને બેલેન્સ્ડ એડવાન્ટેજ ફંડ અને એગ્રેસિવ હાઈબ્રિડ જેવી સ્કીમમાં રોકાણ કરી શકાય છે. વેલ્યૂ રિસર્ચ અનુસાર બેલેન્સ્ડ એડવાન્ટેજ ફંડે પાંચ વર્ષમાં 10.48 ટકા અને ત્રણ વર્ષમાં 9.02 ટકા એવરેજ રિટર્ન આપ્યું છે.
વધુ એક રોકાણ જે પેસિવ ઇનકમ કમાવવામાં મદદ કરી શકે છે તે છે ડિવિડન્ડ આપતા શેરો. આમાં રોકાણ કરો અને જે ડિવિડન્ડ મળે તેનું ફરીથી રોકાણ કરો. નિયમિત ડિવિડન્ડ આપનારી કંપનીઓ મજબૂત હોય છે અને લાંબા સમય સુધી રોકાણ કરવાનો અર્થ એ છે કે તમારું રોકાણ બજારના ઉતાર-ચડાવના જોખમને સહન કરી શકે.
જો તમે શેરથી દૂર રહેવા માંગો છો તો તમે એવી મ્યુચ્યુઅલ ફંડ યોજનાઓમાં રોકાણ કરી શકો છો જે ડિવિડન્ડ આપે છે. વેલ્યુ રિસર્ચના ડેટા અનુસાર, ડિવિડન્ડ ચૂકવતા મ્યુચ્યુઅલ ફંડ્સે ત્રણ વર્ષમાં 23.77 ટકા અને પાંચ વર્ષમાં 17.97 ટકા ડિવિડન્ડ આપ્યું છે.
ડાવરના મતે, તમારી કુલ રકમને સમજદારીપૂર્વક રોકાણ કરવા ઉપરાંત, એ પણ મહત્વનું છે કે દર વર્ષે કુલ રકમમાંથી વધારે રકમ ન ઉપાડીને તેનું ફરીથી રોકાણ કરી દેવામાં આવે જેથી રિટર્ન જમા થઇને વધતું રહે.
તમારી પ્રોપર્ટી પણ તમને રિટર્ન આપી શકે છે. પરંતુ ભાડાની આવકને બદલે, રિવર્સ મોર્ગેજ વધુ સારો વિકલ્પ હોઈ શકે છે. રેન્ટલ ઇનકમનો અર્થ એ છે કે રેન્ટ એગ્રીમેન્ટથી લઈને ભાડુઆત શોધવા અને ઘરની જાળવણીનો ખર્ચ પણ તમારા માથે આવશે. ઉંમરલાયક લોકો માટે આ બધું કરવું સહેલું નથી હોતું. જો તમારી પાસે નિયમિત આવકનું કોઈ સાધન નથી તો તમે તમારા ઘરને બેંકમાં મોર્ગેજ એટલે કે ગિરવે રાખી શકો છો. હોમ લોનમાં, બેંક એકસામટી રકમ લોન તરીકે આપે છે જેની ચુકવણી EMI દ્વારા કરવામાં આવે છે. મોર્ગેજમાં બેંક ઘર અથવા અન્ય પ્રોપર્ટીને ગિરવે મૂકીને દર મહિને નિયમિત રકમ પૂરી પાડે છે.
દેશની લગભગ તમામ મોટી બેંકો પ્રોપર્ટી મોર્ગેજની સુવિધા પૂરી પાડી રહી છે. આ સુવિધા માત્ર વરિષ્ઠ નાગરિકો માટે છે. આમાં, તેમણે લોન પરત ચૂકવવાની જરૂર નથી હોતી અને ન તો તેઓએ તેમનું ઘર છોડવું પડે છે. બેંકમાંથી તરફથી થતી ચુકવણી કરમુક્ત હોય છે. તમારા બાદ તમારો પરિવાર આ પ્રોપર્ટીનો માલિકી હક લઈ શકે છે. આના માટે તેમણે બેંકની લોનની વ્યાજ સાથે ચૂકવણી કરવી પડશે. જો પરિવાર લોનની ચુકવણી નહીં કરે તો બેંક પ્રોપર્ટી વેચીને પોતાની લોન વસૂલ કરશે. ત્યારબાદ જો થોડી રકમ બાકી રહે છે, તો તે પ્રોપર્ટી માલિકના વારસદારને આપી દેવામાં આવશે.
આ કેટલીક રીતો છે જે તમારા માટે પેસિવ ઇનકમનું માધ્યમ બની શકે છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો