Money9 Gujarati:
સ્થાનિક હવાઈ પ્રવાસ (Domestic Air Traffic)માં એક નવો રેકોર્ડ બન્યો છે. રવિવારે (21 એપ્રિલ) ઘરેલુ હવાઈ મુસાફરોની સંખ્યા નવી નીચી સપાટીએ પહોંચી હતી. સત્તાવાર આંકડા પ્રમાણે, 21 એપ્રિલે રેકોર્ડ 4,71,751 મુસાફરોએ હવાઈ મુસાફરી કરી હતી. રવિવારે એર ટ્રાફિક 3,98,579 મુસાફરોની પ્રી-કોવિડ એવરેજ કરતાં 14 ટકા વધુ હતો.
નાગરિક ઉડ્ડયન મંત્રાલયે 22 એપ્રિલે જાહેર કરેલા ડેટા અનુસાર, 21 એપ્રિલ, 2024ના રોજ સ્થાનિક હવાઈ મુસાફરોની કુલ સંખ્યા 4,71,751 હતી, જ્યારે આ સમયગાળા દરમિયાન કુલ 6,128 ફ્લાઇટ્સનું સંચાલન કરવામાં આવ્યું હતું. આ સંખ્યા 21 એપ્રિલ 2023 ના રોજ નોંધાયેલા 4,28,389 મુસાફરો અને 5,899 ફ્લાઇટના સ્થાનિક હવાઈ ટ્રાફિક કરતાં વધુ છે.
Domestic aviation in India is witnessing an unprecedented growth, driven by factors such as concrete policies, economic development, and expansion of low-cost carriers. As more people gain access to air travel, the sector is expected to continue its upward trajectory. pic.twitter.com/vFwBYagDPR
— MoCA_GoI (@MoCA_GoI) April 22, 2024
મંત્રાલયે સોશિયલ મીડિયા પ્લેટફોર્મ ‘X’ પર એક પોસ્ટમાં જણાવ્યું હતું કે ભારતનું સ્થાનિક ઉડ્ડયન ક્ષેત્ર ‘દરરોજ નવી ઊંચાઈઓ’ પર પહોંચી રહ્યું છે. ભારત સ્થાનિક ઉડ્ડયનમાં અભૂતપૂર્વ વૃદ્ધિ જોઈ રહ્યું છે. આ મજબૂત નીતિઓ, આર્થિક વૃદ્ધિ અને ઓછી કિંમતની એરલાઇન્સના વિસ્તરણ જેવા પરિબળો દ્વારા સંચાલિત છે. જેમ જેમ વધુ લોકો હવાઈ મુસાફરીનો લાભ મેળવે તેમ તેમ આ ક્ષેત્ર વધુ વૃદ્ધિ પામશે તેવી અપેક્ષા છે.
ગયા અઠવાડિયે, ઉડ્ડયન ક્ષેત્રના નિયમનકાર DGCAએ જણાવ્યું હતું કે જાન્યુઆરી-માર્ચ ક્વાર્ટરમાં 391.46 લાખ મુસાફરોએ સ્થાનિક એરલાઇન્સ દ્વારા મુસાફરી કરી હતી જ્યારે ગયા વર્ષના સમાન સમયગાળામાં આ સંખ્યા 375.04 લાખ હતી. વાર્ષિક ધોરણે તેમાં 4.38 ટકા અને માસિક વૃદ્ધિ 3.68 ટકા જોવા મળી હતી.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો