Money9 Gujarati
LIC Index Plus policy:
LICએ નવો પ્લાન લોન્ચ કર્યો છે – LIC Index Plus. આ પ્લાન યુનિટ-લિન્ક્ડ અને નોન-પાર્ટિસિપેટિંગ પ્લાન છે. તેમાં જીવન વીમાનું કવર મળે છે તેમજ બચતની સાથે સાથે ગેરન્ટીડ લાભ પણ મળે છે. LICએ શેરબજારને પાઠવેલા એક નિવેદનમાં તેના નવા પ્લાનની જાહેરાત કરી છે.
Empower your financial journey with LIC's Index Plus Plan – Investment Growth while safeguarding your loved ones.#InvestProtectProsper#FinancialPlanning #ULIPInvesting pic.twitter.com/Tvrto3Yw2z
— LIC India Forever (@LICIndiaForever) February 6, 2024
LIC Index Plus પ્લાનની મિનિમમ ટર્મ 10થી 15 વર્ષ છે જ્યારે મહત્તમ પૉલિસી ટર્મ 25 વર્ષ છે. વર્ષે ઓછામાં ઓછું 30 હજાર રૂપિયાનું પ્રીમિયમ ભરવું જરૂરી છે અને મહત્તમ પ્રીમિયમ ભરવાની કોઈ મર્યાદા નથી. પ્લાન ખરીદનારે ફ્લેક્સિ ગ્રોથ ફંડ અથવા ફ્લેક્સિ સ્માર્ટ ગ્રોથ ફંડ, આ બેમાંથી કોઈ એક વિકલ્પ પસંદ કરવો જરૂરી છે. તમે જેટલું પ્રીમિયમ ભરશો તેનો અમુક હિસ્સો નિફ્ટી હન્ડ્રેડ ઈન્ડેક્સ અથવા નિફ્ટી-ફિફ્ટી ઈન્ડેક્સના સ્ટોક્સમાં રોકવામાં આવશે.
– LIC ઈન્ડેક્સ પ્લસ પોલિસી 90 દિવસ સુધીના બાળકના નામે પણ ખરીદી શકાય છે. જ્યારે તેમાં દાખલ થવાની મહત્તમ ઉંમર 50 અથવા 60 વર્ષ છે.
– પોલિસી મેચ્યોરિટી માટેની ન્યૂનતમ ઉંમર 18 વર્ષ છે. મહત્તમ ઉંમર 75 વર્ષથી 85 વર્ષ સુધીની છે.
– આ પોલિસીમાં, તમારું પ્રીમિયમ તમારી મૂળભૂત વીમા રકમ દ્વારા નક્કી કરવામાં આવશે. તેની ગણતરી એવી હશે કે મૂળભૂત વીમા રકમ તમારા વાર્ષિક પ્રીમિયમના 7 થી 10 ગણી હશે.
– લોકો તેનું પ્રીમિયમ માસિકથી વાર્ષિક ધોરણે ચૂકવી શકશે. તેમાં વાર્ષિક પ્રીમિયમની રેન્જ 30,000 રૂપિયાની આસપાસ હશે.
– આ પોલિસીનો ન્યૂનતમ મેચ્યોરિટી પીરિયડ 10 વર્ષનો હશે, જ્યારે મહત્તમ મેચ્યોરિટી પિરિયડ 25 વર્ષનો હશે. તમને તમારા યુનિટ ફંડનું રોકાણ ક્યાં કરવું તે માટે 2 વિકલ્પો મળશે. તમે ફ્લેક્સી ગ્રોથ ફંડ અથવા ફ્લેક્સી સ્માર્ટ ગ્રોથ ફંડ વચ્ચે પસંદગી કરી શકશો. તેનું રોકાણ NSE નિફ્ટી 100 ઈન્ડેક્સ અથવા NSE નિફ્ટી 50 ઈન્ડેક્સમાં કરવામાં આવશે.
– પોલિસીની પાકતી મુદત પર, યુનિટ ફંડના મૂલ્ય જેટલી રકમ લોકોને પરત કરવામાં આવશે.
– જો પોલિસીની મુદત દરમિયાન વ્યક્તિનું મૃત્યુ થાય છે, તો તેના પરિવારને વીમાની રકમ અને બોનસ ચૂકવવામાં આવશે. લોકો આ પોલિસી સાથે એક્સિડેન્ટલ ડેથ બેનિફિટ રાઈડર લઈ શકે છે.
LIC ના જણાવ્યા અનુસાર, વાર્ષિક પ્રીમિયમનો એક નિશ્ચિત ભાગ યુનિટ ફંડમાં જમા કરવામાં આવશે, જેનો ઉપયોગ યુનિટ ખરીદવા માટે કરવામાં આવશે. જે યુનિટ ફંડમાં આ રકમનું રોકાણ કરવામાં આવ્યું છે તેમાં તમને ગેરેન્ટેડ રિટર્ન મળશે. આ તમારી પોલિસીના ચોક્કસ સમયગાળાને પૂર્ણ કર્યા બાદ કરવામાં આવશે.
LIC એ આ પોલિસી સાથે તમને બીજી સુવિધા આપી છે કે 5 વર્ષનો ‘લોક-ઈન’ સમયગાળો પૂરો કર્યા બાદ તમે કોઈપણ સમયે યુનિટનો એક ભાગ રિડીમ કરી શકશો. આ કેટલીક શરતો પર નિર્ભર રહેશે.
LICનો શેર 6 ફેબ્રુઆરીએ 1,033 રૂપિયાની સર્વોચ્ચ સપાટીએ પહોંચી ગયો હતો. તેની માર્કેટ કેપ સાડા છ લાખ કરોડ રૂપિયાને પાર થઈ ગઈ છે. LIC ભારતની સૌથી મૂલ્યવાન કંપનીઓની યાદીમાં છઠ્ઠા ક્રમે પહોંચી ગઈ છે અને SBI કરતાં પણ આગળ નીકળી ગઈ છે. LICનો શેર છ મહિનામાં 55 ટકા વધ્યો છે.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો