Money9: જ્યારે પૈસાની તાત્કાલિક જરૂરિયાત ઉભી થાય ત્યારે લોકો ઘણીવાર પર્સનલ લોન લેતા હોય છે. પર્સનલ લોન એક અનસિક્યોર્ડ લોન છે. તેમાં કોઈ એસેટ કોલેટરલ એટલે કે ગીરવે રાખવાની જરૂર નથી પડતી. લોન સરળતાથી મળી જાય છે. પેપરવર્ક પણ ઓછું છે.
પરંતુ ઊંચા વ્યાજ દરને કારણે પર્સનલ લોન મોંઘી પડે છે..આવી સ્થિતિમાં લોનને સમય પહેલાં એટલે કે લોનનું પ્રી-પેમેન્ટ યોગ્ય વિકલ્પ હોઇ શકે છે…
પર્સનલ લોનના પ્રી-પેમેન્ટ પર બેંકો કેટલો ચાર્જ વસૂલ કરે છે? લોનને સમય પહેલા ચૂકવવાના શું છે ફાયદા? આવો જાણીએ…
પર્સનલ લોનના પ્રી-પેમેન્ટનો અર્થ છે લોન એગ્રીમેન્ટમાં મેન્શન સમય પહેલા લોનની પૂરી બાકી કે બાકી લોનના એક ભાગની ચુકવણી કરવી.
જ્યારે તમે સમય પહેલા લોનની ચુકવણી કરો છો, ત્યારે બેંકો બાકી રકમ પર ચાર્જ વસૂલે છે એટલે કે લોનની બાકી રહેલી રકમ… આને ફોરક્લોઝર ચાર્જ કહેવામાં આવે છે…
જેમ લોન લેવા માટે પ્રોસેસિંગ ફી ચૂકવવી પડે છે, તેવી જ રીતે લોન બંધ કરવા માટે ફોરક્લોઝર ચાર્જ ચૂકવવો પડે છે.
પ્રી-પેમેન્ટ પર લાગતો ચાર્જ લોનની શરતો અને લેંડર્સ એટલે કે બેંકોના આધારે અલગ-અલગ હોય છે…
મોટાભાગની બેંકો અને નોન-બેંકિંગ ફાઇનાન્સિયલ કંપનીઓ લોનના પ્રી-પેમેન્ટ પર લોક-ઇન પિરિયડ રાખે છે.
આ સમયગાળા બાદ લોનની સંપૂર્ણ અથવા આંશિક રીતે ચૂકવણી પર આઉટસ્ટેન્ડિંગ એમાઉન્ટના 2 થી 5 ટકા સુધી પ્રી-પેમેન્ટ પેનલ્ટી અથવા ફોરક્લોઝર ચાર્જ વસૂલવામાં આવે છે.
ICICI બેંકની વેબસાઈટ અનુસાર, એવા ગ્રાહક કે જેમણે 12 મહિના કે તેથી વધુની EMI ભરી છે તેમના લોન ચૂકવવા પર કોઈ ફોરક્લોઝર ચાર્જ નહી લાગે. 12 મહિનાથી ઓછી EMI ભરીને લોન બંધ કરવા પર સેલેરિડ કસ્ટમર્સે 3 ટકા ચાર્જ આપવો પડશે…
જ્યારે HDFC બેંક 24 મહિના અથવા તેનાથી ઓછી EMI ચૂકવ્યા બાદ લોનના રિપેેમેન્ટ કરવા પર 4 ટકા ચાર્જ વસૂલ કરે છે… તેવી જ રીતે, 24 મહિનાથી વધુ અને 36 મહિનાથી સુધી EMI ચૂકવવા પર, બાકી રકમના 3 ટકા જ્યારે 36 મહિનાથી વધુ સમય માટે, EMI ચૂકવ્યા બાદ લોન બંધ કરવા પર, બાકીની રકમના 2 ટકા ફોરક્લોઝર ચાર્જ છે.
બંને બેંકોમાં, તમે પ્રથમ EMI ચૂકવ્યા પછી લોનનું પ્રી-પેમેન્ટ કરી શકો છો… ફોરક્લોઝર ચાર્જ પર 18 ટકા GST પણ છે…
પર્સનલ લોનની વહેલી ચુકવણી કરવાથી વ્યાજ તરીકે ચૂકવાતી રકમ ઓછી થઇ જાય છે… જેટલી જલ્દી તમે લોનની ચુકવણી કરશો, એટલું જ ઓછું વ્યાજ તમારે ચૂકવવું પડશે…
Bankbazaar.comના જણાવ્યા અનુસાર, અલગ-અલગ બેંકોના પર્સનલ લોનના વ્યાજ દર 9.99 ટકાથી 44 ટકાની વચ્ચે છે.
આવી સ્થિતિમાં, તેને વહેલી ચૂકવી દેવામાં જ ભલાઇ છે…પર્સનલ લોનનું પ્રી-પેમેન્ટ કેટલું વ્યાજ બચાવી શકે છે…આને ઉદાહરણ સાથે સમજીએ.
ધારો કે તમે 2 લાખ રૂપિયાની પર્સનલ લોન 5 વર્ષ માટે વાર્ષિક 15 ટકાના વ્યાજ દરે લીધી… તો તમારી EMI 4,758 રૂપિયા થશે… આખા 5 વર્ષમાં કુલ 2,85,479 રૂપિયા ભરવા પડશે. વર્ષ… આમાં 85 હજાર 479 રૂપિયા વ્યાજની રકમ થશે..
ધારો કે તમે એક વર્ષ લોન ચુકવી..
પર્સનલ લોન કેલ્ક્યુલેટર મુજબ, એક વર્ષ સુધી લોન ભર્યા બાદ આઉટસ્ટેન્ડિંગ એમાઉન્ટ 1 લાખ 70 હજાર 961 રૂપિયા બચશે. હવે જો તમે આ લોનની સંપૂર્ણ ચુકવણી કરી દો છો તો અંદાજે 57 હજાર રૂપિયાનું વ્યાજ બચશે.
ઉદાહરણ તરીકે, જો તમારી લોન ICICI બેંકની છે તો ફોરક્લોઝર ચાર્જીસ નહીં ચૂકવવો પડે.. કારણ કે 12 EMI ભરી દીધી છે.
સમય પહેલાં લોન ચૂકવવાથી, તમારું માસિક બજેટ સુધરે છે કારણ કે લોનની ચુકવણી પર ખર્ચવામાં આવનાર પૈસા એટલે કે EMI બચી જાય છે…
આ પૈસાનો ઉપયોગ તમે ડાઉનપેમેન્ટ માટે સેવિંગ, વેલ્થ ક્રિએશન કે રિટાયરમેન્ટ પ્લાનિંગ જેવા અન્ય ફાઇનાન્સિયલ ગોલ્સ માટે કરી શકો છો.
પર્સનલ લોનના પ્રી-પેમેન્ટની ક્રેડિટ સ્કોર પર તાત્કાલિક કોઇ અસર નથી પડતી.. પરંતુ લાંબા ગાળે તેની ક્રેડિટ સ્કોર પર પોઝિટિવ અસર પડી શકે છે…
કારણ કે તમે સમય પહેલા આખી લોન ચૂકવી દીધી છે…આવી સ્થિતિમાં ભવિષ્યમાં ઓછા વ્યાજ દરે લોન મળી શકે છે…
પર્સનલ લોનના ફુલ પ્રી-પેમેન્ટ માટે એકસાથે મોટી રકમ ચૂકવવી પડે છે. જેનાથી નાણાકીય સ્થિતિ બગડી શકે છે.
આવી સ્થિતિમાં, પાર્ટ પેમેન્ટ એટલે કે લોનનો અમુક હિસ્સો ભરી શકો છો… જેમ જેમ લોનની આઉટસ્ટેન્ડિંગ એમાઉન્ટ ઘટશે તેમ તેમ EMI અથવા ટેન્યોર ઘટતો જશે.
આનાથી પણ વ્યાજનો બોજ ઘટાડવામાં ઘણી મદદ મળશે… એક વાત ધ્યાનમાં રાખો… પર્સનલ લોન લેતા પહેલા તેના નિયમો અને શરતો જરૂર વાંચો… જેથી બાદમાં કોઈ સમસ્યા ન થાય.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો