Money9: લેપટોપ પર ઘર ખરીદવા માટે પ્રોજેક્ટ સર્ચ કરતો હતો મહેશ, આ સમયગાળા દરમિયાન તેની નજર પડી એક લિંક પર.. જેમાં લખ્યું હતું. પિતા પાસેથી લોન લઇને ઘર ખરીદવા પર ટેક્સ બેનિફિટ મળશે. ઘર ખરીદવાનું પ્લાલિંગ કરી રહેલા મહેશના મગજમાં સવાલ આવ્યો કે શું ખરેખર આવુ હોય ખરું..બેંકના બદલે પિતા પાસેથી હોમ લોન લઇને પણ ટેક્સ છૂટ મળી શકે છે. કન્ફ્યુઝન ક્લિયર કરવા માટે મહેશ પહોંચ્યો એક સીનિયરની પાસે..
આજકાલ મોટાભાગના ઘર લાંબાગાળાની લોન એટલે કે હોમ લોનના સહારે ખરીદવામાં આવે છે. હોમ લોન માટે ફક્ત તમારે બેંકમાં અરજી કરવાની હોય છે. કેટલાક લોકોને કોઇપણ રીતે લોન નથી મળી શકતી કે પછી કેટલાક લોકો વધુ વ્યાજ નથી આપવા માંગતા. આવા લોકો પોતાના પિતા, કોઇ સંબંધી..ત્યાં સુધી કે કોઇ દોસ્ત પાસેથી હોમ લોન લઇને મકાન ખરીદી શકે છે. એટલું જ નહીં, ટેક્સ છૂટ પણ લઇ શકે છે. આવો જાણીએ કેવી રીતે..
ઘર બનાવવા અથવા ખરીદવા માટે, તમે સામાન્ય રીતે બેંક પાસેથી હોમ લોન લો છો… જેના બદલામાં તમારે દર મહિને હપ્તા એટલે કે EMI ચૂકવવા પડે છે… EMIમાં બે ભાગ હોય છે… પ્રથમ લોનનું પ્રિન્સિપલ એમાઉન્ટ અને બીજું લોનની રકમ પર વ્યાજ. આવકવેરા કાયદા હેઠળ, હોમ લોનના પ્રિન્સિપલ રીપેમેન્ટ પર સેક્શન 80C હેઠળ ડિડક્શન મળે છે. 80Cમાં મહત્તમ દોઢ લાખ રૂપિયા સુધીનું ડિડક્શન લઈ શકાય છે…જ્યારે કલમ 24 હેઠળ, લોનના વ્યાજ પર ડિડક્શનનો ફાયદો લઇ શકાય છે. લોનની EMI ભરો ત્યારે આ બન્ને રકમને આવકમાંથી બાદ કરી દેવામાં આવે છે. આનાથી તમારી કમાણી ઘટી જાય છે અને તેની પર લાગતો ટેક્સ ઘટી જાય છે.
આવકવેરા કાયદાની કલમ 80C હેઠળ, EMIમાં સામેલ પ્રિન્સિપલ રિપેમેન્ટ પર ટેક્સ કપાતનો દાવો કરવા માટે કેટલીક વિશેષ સંસ્થાઓ પાસેથી હોમ લોન લીધેલી હોવી જોઇએ. આમાં કેન્દ્ર અથવા રાજ્ય સરકાર, સહકારી બેંક સહિતની કોઈપણ બેંક, LIC., નેશનલ હાઉસિંગ બેંક, હાઉસિંગ કંપની, ઘરના બાંધકામ માટે લોન આપતી કોઇ કો-ઓપરેટિવ સોસાયટી, તમારી કંપની, જે પબ્લિક કંપની અથવા પબ્લિક સેક્ટરની કંપની હોવી જોઇએ અને યુનિવર્સિટી વગેરેનો સમાવેશ થાય છે. આમની પાસેથી લોન લેવા પર પ્રિન્સિપલ એમાઉન્ટ માટે ડિડક્શનનો ક્લેમ કરી શકાય છે.
હવે મહેશ કલમ 80C માં દર્શાવેલી સંસ્થાઓને બદલે પોતાના પિતા પાસેથી હોમ લોન લેવાનું વિચારી રહ્યો છો તો આ સ્થિતિમાં તેને કલમ 80C હેઠળ હોમ લોનનું પ્રિન્સિપલ એમાઉન્ટ ચૂકવવા પર આવકવેરામાં કોઇ છૂટ નહીં મળે.
હવે વાત કરીએ EMIના બીજા ભાગની એટલે કે વ્યાજની… ઈન્કમ ટેક્સ એક્ટની કલમ 24 (b) હેઠળ, હોમ લોન લેવાના બદલામાં ચૂકવવામાં આવેલા વ્યાજ પર 2 લાખ રૂપિયા સુધી ડિડક્શન ક્લેમ કરી શકાય છે. સેક્શન 24( b)માં સેક્શન 80C જેવું કોઇ બંધન નથી…તેથી સેલ્ફ ઓક્યુપાઇડ પ્રોપર્ટીના કિસ્સામાં, વાર્ષિક 2 લાખ રૂપિયા સુધીના વ્યાજ માટે ડિડક્શનનો દાવો કરી શકાય છે..જો પ્રોપર્ટી પોતે વાપરવાના બદલે ભાડેથી આપી હશે તો કેટલું ડિડક્શન ક્લેમ કરી શકાશે તે જાણીએ એક્સપર્ટ પાસેથી.
વ્યાજની આ ગણતરીને એક ઉદાહરણથી સમજીએ.. ધારો કે મહેશ તેના પિતા પાસેથી 10 વર્ષ માટે 9.5 ટકા વ્યાજ પર 25 લાખ રૂપિયાની હોમ લોન લે છે… તેના પર તેની EMI 32,349 રૂપિયા થશે. એક વર્ષમાં તે તેના પિતાને મુદ્દલ તરીકે રૂ. 1,57,430 અને વ્યાજ તરીકે રૂ. 2,30,762 પરત કરશે… પ્રિન્સિપલ પેમેન્ટના 1 લાખ 57 હજાર રૂપિયા પર 80C હેઠળ તેને કોઇ છૂટ નહીં મળે…વ્યાજના 2 લાખ 30 હજાર રૂપિયામાંથી તે 2 લાખ રૂપિયા સેક્શન 24(b) હેઠળ ડિડકક્શન માટે ક્લેમ કરી શકશે. આજ રીતે બાકીના 9 વર્ષ માટે પણ માત્ર વ્યાજ જ ક્લેમ કરી શકશે.
હોમ લોન લેતા પહેલા એ જાણી લો કે તમે તમારા પિતાને વ્યાજ તરીકે જે પૈસા આપશો તેને તેમની આવક ગણવામાં આવશે. તેમણે તેમના ઈન્કમ ટેક્સ રિટર્નમાં વ્યાજથી થયેલી આવકને બતાવવી પડશે. તમારા પિતાની કુલ કમાણી જે ટેક્સ સ્લેબમાં આવશે તે હિસાબે તેમને વ્યાજની રકમ પર ટેક્સ ચૂકવવો પડશે.
મહેશની જેમ જો તમે પણ ઘર ખરીદવાનું વિચારી રહ્યા છો તો જરૂરી નથી કે બેંક કે કોઇ ફાઇનાન્સિયલ ઇન્સ્ટીટ્યૂશન પાસેથી જ લોન લો. તમે તમારા પિતા, સંબંધી કે પછી દોસ્ત પાસેથી પણ લોન લઇ શકો છો.
પર્સનલ ફાઇનાન્સ અંગે લેટેસ્ટ અપડેટ મેળવવા માટે Money9 App ડાઉનલોડ કરો